شباكية ف متناول الجميع

Publié le 3 Juin 2011

شباكية ف متناول الجميع
نبيدا بسم الله اولا ديرت لعسل طريقة ديال الاخت نور بشرى الله يجازيها بلخير
2كيلو سنيد
1 ليترو لما
اتاي
قرنفل نديرويهم رزيم صغيرة
نيص حامض
كنديرو كولشي ف كوكوط و نيسدو عليه ش نيص ساعة ولا 45 دقيقة

ندوزو دبا لمقادير د شباكية سراحة كتجي بنينا و هشيشة:
زلفة زيت لعود
زلفة زبد1
بيض
ملعقة صغيرة خميرة

العجين
زلفة لوز محمر و مطحون
زلفة زنجلان محمر و مطحون
نصف زلافة الخل
2 كوزات
1ونص خميرا حمرا
النافع
حبة حلوة
زلفة ماء زهر
قبصة ملح
الزعفران
زلفة دلماء
الدقيق ف الاخير

العجينة تكون لينة لمهيم بالنسبة لحوايج لي نطحنوا ندوزوهم ف الغربال باش متقطع لينا العجينة





 جيبت ليكم الطريقة بالتفصيل الممل
كنطلقوا العجينة و نقطعوا أشرطة:

ونهزو شريط راس ديالو نلصقوه مزيان باش متحلش لينا ف زيت ونبداو ندورو بكل سهولة و فالأخير نلصقوا راس دشريط مزيان











وهاهيا واجدة نقليوهوم ف زيت ملي يتحمرو شوي نرميوهم ديريكت ف لعسل و نديرو ليهم زنجلان









هاهي الحمدلله شكل جميل و مداق رائع
هادي الشباكية العادية حتا هيا نوريكم طريقة د تشباك ديالها





















هاهي الحمدلله

 

Rédigé par marrakechencuisine.over-blog.com

Publié dans #حلويات مغربية

Repost 0
Commenter cet article