فروماج الكاس لذيذ و ناجح

Publié le 3 Juin 2011

فروماج الكاس لذيذ و ناجح 100/100 منقوووول ومجرب

لتر حليب / 60 غرام زبده / 8 فرماجات / ملح (حسب الرغبه ) /ثلث كاس دالعنبه مخلط بين عصير
نصف حامضه و الباقي خل / عصير النصف الاخر اللي بقى دالحامضه
أول شي نصب الحليب فطنجره و نحطو على النار يغلى
من بعد ما يغلى (أؤكد يوصل للغليان ) نزيدو عليه خليط الخل و الحامض

نخلليوه تقريبا 15 دقيقه حتى تتكون فيه تكتلات ديال الجبن (بتعبيرنا يتكلل)
(هو بمحرد ما تزيدي الخل غادي يبدا يتفرق )

نحطوه فصفايه مغلفه بقطعة قماش (اللي يدوز الماء)
و نخلليوه حتى يقطر ولكن ماشي ينشف تماما من الماء تقريبا واحد ثلث ساعه

نحطو الجبن اللي تكون فالخلاط + الزبده و الفروماج مثلثات + الملح و عصير نصف حامضه
الدور ديال العصير دالحامض انه تيعقم الجبنه الى احتفظنا بها و كذلك كيزيد داك الطعم الحامض اللي فجبنة الكاس
ولا حظو ان الزبده ذابت يعني داك الجبن اللي صفينا مازال سخون = مطولناش فالتقطار
كنبقاو نضربو حتى تنسجم كل العناصر و ما يبقاش خشن =يولي ناااعم
نحطوه فعلب و نخلليوه فالثلاجه نهار حتى يبرد مزيان و يطلق فيه الحامض
اما هو من الخلاط كينزل متماسك غير من حيث السخونه خصو يبرد
لاحظو الوزن 820 غرام و العلب وزنهم و هما فارغين تقريبا 50 غرام للوحده

شوفو ما شا ء الله كيف متماسك و شحال و انا قالبه السكين و مكيطيحش
أخواتي انا سبق و جربت طرق كثيره ديال الجبن المنزلي و فيهم اللي فشلو
و فيهم اللي النتيجه مكانتش جيده اما تيجي حامض اكثر من الحد او فيه دهون كثيره
(فحال واحد طريقتو فحال ديال المايونيز )
ولكن هذا راني جربتو مرات و مرات و ديما ناااجح و نفس النتيجه
أتمنى تجربوه و تعجبكم النتيجه

في أمان الله

Rédigé par marrakechencuisine.over-blog.com

Publié dans #الكنفتير و الاجبان

Repost 0
Commenter cet article