دانون بالتفاح معسل

Publié le 3 Juin 2011

دانون بالتفاح معسل

المقادير:

1/2 لتر حليب طايب مع السكر حسب الذوق
1/2 لتر حليب ما طيبش
1 كأس دانون باي نكهة
2 تفاحات مقطعين طريفات صغار+ نديرعليهم2 معالق كبار عصير حامض
1 معلقة كبيرة زبدة
1 معلقة كبيرة قرفة
1 معلقة كبيرة سكر كلاصي
1 موزة لتزيين

الطريقة:
ناخد مقلة ندير الزبدة+التفاح+القرفة و السكر كلاصي و نخليوهم اتعسل فوق نار مهيلة. من بعد مايتعسل نخليو التفاح ابرد.

نجيو لدانون نخلط الحليب لي ماطيبش+كأس دانون مزيان ثم نضيف الحليب لي طايب مع سكر.

ناخد التفاح المعسل من بعد مابرد نديره فكيسان ديال زاج و نزيد الخليط ديال الحليب.
نستف كيسان في ماكينة ديال دانون ويمكن
لينا نديره فحمام مريم bain marie و نغضيو دانون ديالنا حتى اعقاد امن بعد
ندخلوه لثلاجة ابرد





انا زينت بالموز معسل بنفس الطريقة ديال التفاح

بالصحة و الرحة

Rédigé par marrakechencuisine.over-blog.com

Publié dans #الكنفتير و الاجبان

Repost 0
Commenter cet article