صناعة الجبنه البيضاء بالبيت

Publié le 31 Janvier 2011

 

صناعة الجبنه البيضاء بالبيت "جبنه بخيره " ... بالصور



المقادير
 

1 كيلو لبن سايب من عند البقال او من الجاموسه او البقره مباشرة""ملحوظه هامه لبن الشتاء احلى من لبن الصيف و بينتج جبنه اكتر"

تلت ملعقه منفحه سائله و ملعقه صغيره خل

مكعب تلج

ملح حسب الرغبه

قرن فلفل حامى
 

الطريقه
 

فى اناء معقم يسخن اللبن حتى درجه 40 يعنى فاتر تقدرى تتحملى حرارته لو وضعتى اصبعك فيه

فى طبق خارجى اذيبى مكعب التلج فى تلت ملعقه المنفحه

و نزليهم فى اللبن و قلبى كويس جدا و غطيه... و حطيه فى الفرن و معاه حله ميه سخنه

و بعد ساعه كده افتحى و اضغطى عليه بايديك ..هتلاقيه لازم يكون تجمد.

بالسكينه اقطعى فى عمق القالب و هو فى الاناء على شكل خطوط متقاطعه و سيبيه قد 5 دقايق هتلاحظى ظهور اثر لمياه.

افرشى دانتيل او قطعه تل او قماش قطن مسامه واسعه الى حد ما فى مصفاه و صبى فيه مكعبات الجبن و لازم يكون طبعا فى اناء تحت
 
حتى تتلقى السائل

هذا السائل او الشرش ممكن تعملى بيه حاجات كتير...عملت بيه كيك و عملت بيه بشاميل كمان هنستخدمه لعمل محلول ملحى نخلل و نحفظ
 
فيه الجبنه.

السائل ده سائل غنى جدا بالعناصر الغذائيه فياريت محدش يرميه و يحاول يحطه فى اى اكل بيعمله ممكن كمان ندخله فى شوربه مع الكريما
طيب بعد ساعتين كده هتتصفى كل المياه من الجبنه و الوقت بيتوقف على مدى مساميه قطعه القماش اللى استخدمناها...طبعا فى معدات تانيه
 
خاصه زى "السده" و الحصر و الباقوطى

ناخد الجبنه و نحط عليها ملح و نسيبها فى التلاجه ليله من غير غطاء

تانى يوم نغلى السائل مع شويه لبن و شويه ملح و قرن فلفل حامى مشقوق و نصب المزيج و هو ساخن على الجبنه و تحفظ بالتلاجه بعد ما
 
تبرد.. و انصح بتناولها بعد 3 ايام حتى تتجانس كل النكهات و تكتسب من الفلفل طعمه الجميل...
يالا بقه على الصور اللى هتشرح احسن منى....







 

Rédigé par marrakechencuisine.over-blog.com

Publié dans #الكنفتير و الاجبان

Repost 0
Pour être informé des derniers articles, inscrivez vous :
Commenter cet article